الحلوة اللي شفتها بلبس شفاف=ضوةعلى كل البلد بالشعاعي


اليله ابدت حسن طاغي وبسراف=يالله تحقق له جميع المساعي


لمحت فيها الحسن والحسن ينشاف=واللي بغا شوف الحسن له يراعي


الله خلقها للمزايين مشراف=ينقاس فيها الزين قمه وقاعي


دلوع وصغير وعاقل ومعطاف=سودن عيونه ناعساتن وساعي


كله نعومه حايزن كل الاوصاف=مايشبهه كود الضبي بالمراعي


ان اقبلت قاموا لها الناس وقّاف=وان سولفت اصغو لها باستماعي


وليا ضحكت تنثر حوالينها اطياف=فراش ونجومن تجيله طياعي


حتى الزهرلاشافها جاله اخفاف=يلعب ويتبع زولها غير واعي


من زينها غيره لياشيف ينعاف=ومن نورها نور القمر غصب ضاعي