ماقول اني معك مرتاح=ولاني بلياك مرتاحي


الحظ وقف معاي وطاح= وعزاه يالحظ لاطاحي


اللي احبه تركني وراح=عليل بالحزون من راحي


ماشفت عقبه ليالي ملاح=روّح وقفّى بالافراحي


واحبابي اللي غدولي اشباح= والقلب تسكنه الاشباحي


بي منك دمعة ندم وجراح=لاجت على خافقي فاحي


يابو عيون هدبها رماح= اموت بك وانت ذباحي


ويابو نهيد كما التفاح=لاجيت ابلمسه صاحي


عطني على  ماشتهي مفتاح= لوليلة(ن) معك صباحي


لمعةخدودك قمر وضاح=ذبحتني ياملا الماحي


رجواي باللي لهمي زاح=لولاه ماكان ينزاحي


جدد حياتي بحلم(ن) لاح=صعيب وصله ولو لاحي


كريم يعطي بدون الحاح=عزيز وهاب فتاحي


معك طلعنا بدون ارباح=علقتني وضاعت ارباحي


تبي الصراحه بدون مزاح= اللي يحبك ماهو صاحي