اهديت لك وردةٍ حمرا=تفوح بالحسن والطيبي


واهديتني يالغلا جمرا=ضميتها منك بقليبي


يبطي بي الجرح مايبرا=ياجارحي الجرح يبطيبي


ان كان لي بغيبتك صبرا=على الرجا منك ياشيبي


اكتبك في خافقي واقرا=وانساك داخل دواليبي


ياصاحبي بالجفا عذرا=جفاك ناري وتعذيبي


ان كان به يمكم مسرا=سريت والشوق يوميبي


مالي عن رياحكم مذرا=ياخذني الفكر ويجيبي


وانا على الوعد يالسمرا=ياروح روحي وتطريبي


انتي على نجومهم قمرا=مثلك مع الناس ماجيبي


شوفتك لو بالسنه تشرا=شوفتك غاية مطاليبي


ان كان لي بمهجتك قدرا=وشبك على النار ترميبي


حفرت لي عندكم قبرا= وان مت قطع مكاتيبي


ترف لك عيني اليسرا=واخطيك ياشوق واصيبي


اوهمتني بجنة ن خضرا=ورميتني في لواهيبي


والجرح جرحي وانا ادرا= ماحد من الناس يدريبي