راعيه قلبٍ ينتظر منك مرسال=راعيه لجل الحب لجل اعترافه


راعيه قلبٍ لوجرحتيه ماسال=دمه ولا هانت عليه المسافه


لجلك تجود بالمعاليق مامال=عاف البشر من عقب بعدك عيافه


شلت الهموم وكنني شايل جبال=ولاخفت من درب الهوا وانعطافه


اخاف من قولة اثر مانت رجال=وتصير هالدنيا بعيني توافه


كنتي لي انتي نجمةٍ تشرح البال=رغم الجروح احب منها اللطافه


كنتي لي انتي بسمةٍ همها زال=رغم البكا رغم الشقا والحسافه


كني لي انتي بالسما بارق خيال=فيك الامل تروي ضماي وجفافه


يامهرةٍ في حبها مات خيال=الموت منك بكل حاله كيافه


مغليك قلبي والامل فيك مازال=وش عاد لو مرت عليه الكسافه


انا عشقت الصبر والعشق قتال=وعسفت نفسي يوم حل انعسافه


افوت الفرصه على كل عذال=واقطف ثمار الصبر يوم انقطافه


انا احبك مابها قولن يقال=والبعد عنك انا اشهد اني اخافه


وكانك تحبيني على كل الاحوال=والا... ترا كثر التغلي هيافه