دودهت لابلي وجتني تطلب ارضائي= وانا على الله نويت امشي على ضيه


ابترك الارض واهل الارض واشيائي= واقفي مع الريح تمحا اثر رجليه


وكتب رسالة شكر من قلب لاعدائي= كانو لي ارحم من الاصحاب بالسيه


واعيش ميت علم من بين الاحيائي= مثل الجبل هامته للمجد ماريه


من عقب تفجير قلبي اجمع اشلائي= واموت مثل النخل لا مات راعيه


اطيب للطيب وانسى كل من سائي=والزله اللي تجي من عفن عاديه


ماني بسلطان ولاني حاتم الطائي=لكن نفسي بحب الطيب مبليه


مديت من لقمتي و لقمة ابنائي=ونعض كفي لان القمه شويه


ماشئت في شي ان الله قد شائي =والعبد تفرج معه لو يحسن النيه


سبحان من حدد العيشه على المائي=القادر الواحد المعبود من زيه


يادار وين الخوي لاثقلت اعبائي=اللي يراعي خويه كنه اوخيه


بالذاكره ممتلي عقلي بالاسمائي=اعدهم00 وانتهي واصفق ايديه


واليوم اهيم الصحاري شايل اخطائي=واعاتب النفس في مقفي لياليه


اعلاجي اصعب من همومي ومن دائي=والموت اقرب على نفسي مواريه


ترا الحقيقه 00انا وكالة انبائي=وكل مصدرن ماهو مني رد راعيه


يااعز من راح بالدنيا ومن جائي=ياطاقة النور بالخافق وغاليه


لولاك مافكرو في عرض الازيائي=ولافكرو بالذهب والماس وحليه


ولاجاك شعري غلا مختوم باهدائي=على الورق من سحاب العين صافيه


حلاك اجمل من التعبير واطرائي=ودنياي لوهي اظلمت بلقاك ورديه


لانك حبيبي ولانك مصدر ايحائي= تركت جــــــوك وانا مغليه يابنيه


شفني مع ابلي يحبن صوتي وحدائي=والجو ممطر وناري بالفلا حيه