على الرب تكلاني و بسم الله الرحمن=   وانوخ اركاب الفكروابدع بقاطرها           


واغني لحشمة سيدي بأعذب الألحان= مزون الغلا يااميرهلت بشايرها           


سلامتك ياصقر ِتسامت به الشجعان=وحياتك عسى الله سيدي مايكدرها           


هنتك السلامه عدماهلة الامزان= وعدد ماسقى الديره وفرحة عشايرها           


وعددمايهب الريح ويحرك الأغصان= وعددماتحلت كل عذرا بساورها           


وجعل عين ماتفرح بشوفتك ياسلطان=يجيهاعماهامايخاطي محاجرها           


ايوالله عساهابالعمى والرمدبالوان=اذاشوفة(ال اسعود ) تزعج نواضرها           


اقوله وانا من لابت(ن)ِ للكرم عنوان=ولن شح وقتي باالتساهيل اسايرها           


ويشهدعلى مااقول من نزل القرأن=ونفسي لمن يستاهل الطيب خابرها           


ابوخالدالي عزته عزت الاوطان=ونفسه لحب الخيرللناس ناذرها           


بناهاعلى سيسان صلبه رفيع الشان= وعلى طاعة الرحمن شيدمنابرها           


اهني سليل المجدفي صحة الابدان= وابارك لديره يوم اشوفه يسيرها           


سعودي ولودارالفلك والزمن بأزمان= موالي لحكامي وبالخيرشابرها           


ولن زعلوازعل وانتخي والعن الخوان=يوم اللاش وابن اللاش يجحدوينكرها           


اخونوره اسسهاومن سابق الازمان=وجميع العدى عن دولة العزداحرها           


وبرهن على عهدالسلف واثبت البرهان=وحددوزاراته ودرب كوادرها           


وقطع دابراهل الظلم والجهل والعصيان=وثناهابسيفه لين حزم خواصرها           


وجميع البدو هلو وهلو به الحضران=وهبه الله المعبو د نو ربصايرها           


الايالله انك ترحمة رحمة الغفران= ونفسه بطيب اجنان خلدك تعطرها           


وعقب رجال ِ قررت شوكة الميزان=صقور ِ عنيده ماتعكف مناقرها           


واناهاض بالي بالمثايل وبالقيفان=ورجلي عن اهل الغش والحقدقاصرها           


تروناسعوديين يازمرة الشيطان=وكل ِ على عرفه وفهمه يفسرها           


من اقصى حقل لأقصى الوديعه بعدنجران=ومن الغرب لين الشرق دعوتك ننكرها           


ومن لايبينانرخصه بأرخص الاثمان=ولانصفطه حتى بلدنايغادرها           


واخصك بعلم ِ جاك يالعودابودخان= سلاطينناوشيوخنالاتكفرها           


ولوكان عندك دم ياالعيريالفسقان= يهود ِنوتنا بالرداماتعاشرها           


مربينك الانجاس للظلم والعدوان=ومن ضعف نفسك فالجريمه تخاشرها           


تفوه بشرع الله ودينه على بهتان=ولاانته بعامرهاولاانته بدامرها           


ترى مانصت لك غيرواحدقليل احسان=سواتك نذل نفسه على ماش حاشرها           


ولن قاله الله يشهب الوجه يافتان= لتوقع بحفره وانت بيديك حافرها           


وطناعزيزولانضاهيه بالاثمان=وعصات السعوديين مانته بشاقرها           


وجعل عين ماتفرح بشوفتك ياسلطان= يجيهاعماهامايخاطي محاجرها           


بطيبك جبرت الناس تفديك بالاعيان=وعضود(الفهد)ماعاش خبل ِيعافرها