يابن يحمس فوق محماس=ملقاط جمرك في يدينا          


لد النظر ياطيب الساس= عطني علوم الغانمينا          


زهمت خللي عذب الارماس=  واعطاني الجنب المتينا           


ماكن اله بالقلب مجلاس=ولاكنهم منا وفينا          


العام لاونه ولاباس= واليوم كنه مايبينا           


خللا عروق الدم يباس= لا..لا نجيه ولا..يجينا           


وانت السبب ياعقدالألماس=  تلعب على الصدر الحسينا          


تلعب عبث من راس في راس= دوخة روس الحبتينا          


خليت فكري فيك منحاس= معاد اجمع كلمتينا           


امشي ولاكني مع الناس=  الله على ظلمك يعينا          


تشابك الكهرب مع الماس=ياام الخلاخيل الحقينا          


اما بجغمه تقعد الراس= وألا من الموت انقذينا           


وألا كسرت العود بالفاس=  شنبه على ابو شنبتينا          


وانكان مالك قلب حساس= وش عاد ينفع لو بكينا          


اما عطينا علم ينقاس= وألا من اليو م !! انتهينا