عمتي عام الأول ماشيه بأنتظام=لاتحب العناد ولاتحب التمادي


ولأتخاف الغداري لو مشت بالظلام=ان مشت فالبراري وان رقت للسنادي


كانت الطيبه ماغير جلد وعظام=ورايقه فايقه والطبع من جد هادي


واكثر اللي عجبني تفرض الأحترام=ولاترجا بخيل ولاتساير حيادي


وان بغيت المسيقه جابت احلا مقام=وان بغيت الثقافه جابت اكبر ريادي


وتعرف المشترى والييع واخر كلام=وتسمع الي يصيح وتسمع الي ينادي


ولو تسابق مع التجار تاخذ وسام=كان عند الحضر وانكان عند البوادي


وان تغيبت قالت وين راح الغلام=من كثر خوفها تبدي عليه تنادي


قلت ياعمتي ف..النت..ياغلا الأنام=كنت ياعمتي لولاك منحي وغادي


قالت اسمع تراك السيف وانت الحسام=وانت نسمة هوايه وانت غاية مرادي


فعلن انك ولد لأثبيت يابن الكرام=وكل ماغبت عني عفت شربي وزادي


وصدق اني على طاريك اشق الغمام=واتخيلك تشعر في جميع الروادي


قلت ماني هبيل اشوف عود البشام=وانطق الصاد بأسم الضاد والضاد صادي


وانقلب خوفها السابق علي بانتقام=وأطبعت وابصمت تقريرها بأعتمادي


قمت اداعب والأعب موجها بأرتطام=مامعي غير مكتوبي وصهوة جيادي


والعشيه تعدا ماترد السلام=لأ بنطق الشفاه ولأبهز الأيادي


قلت ياعمتي بالله ماهو..حرام=تفرحين العذول وتفرحين الاعادي


قالت اللي وقع في دربنا مايلام=وانت غلطان لأعمه ولأني بدادي


وكان ماجازلك طيرت كل الحمام=لين حتى عيونك ما تهنى الرقادي


قلت لله لله البقى والدوام=هاذي اخر نتيجه ياحصيل النوادي


ونحمدالله قريحتناعلى مايرام=مانبيلك جزايجزاك رب العبادي


وضاعت اعلومها مابين شرق ِ وشام=وفي نظرها تقول الأمر هين وعادي


هقوتي طالع الها في قفاها سنام=وكل يوم ايتغير حالها بازديادي


مير لله لله البقى والدوام=وهاذي اخر نتيجه ياحصيل النوادي