اشتقت لك يشهد عليّ خالق النــــــاس=اشتقت لك يا ورد عمري وزهوره

سكنت وسط القلب يا عذب الاحساس =سكنــــــت عيني يا نظرها ونوره

يا سيدي قدرك على العين والـــراس =هذا احساس القــلب وهذا شعوره

كم ليلة ٍ عانيت من هـــــــم هوجاس = وسليت نفسي في رسايل وصوره

لك المحبه ما لها حـــــــد وقياس = روحي بجوفي من جنابك غيوره

ارفق ورف بالقلب يا عـذب الانفاس =ارفق على قلباً تهادت جســوره

ابي حنانك واقتل بداخلي يــاس = تعبان من ماضي حياتي وعصوره

تطري عليّ ما بين غفوات ونعـــاس = وافز والدمعه بعيني محشوره

لا يا خذك شكاً وهمساً ووسواس = وخل الامر بيني وبينك مشوره

هاذي حياتي كلها كتاب من ياس = شف العنا والهم داخل سطوره