يا الله يا منشي صدوق المخاييل=يا الله يا المعبود مثبت عمدها
يارب توسع ضيقات المداخيل=يارب ترحم من حياته فقدها
ويارب تنجي من حياته تهاويل=بالسجن ولا ليلة هنية رقدها
عبدالمجيد اللي سهر ظلمة الليل=هموم قلبه وسط صدره رعدها
عبدالمجيد اللي غرق بالغرابيل=حلمه يقبل هامت امه ويدها
امه تنوح الليل يا حول بالحيل=يا عزوتي تكفون هبوا لسعدها
ادموعها بالليل تجري تقل سيل=يارب تسعدها بـــعودة ولدها
وابوه من حره يفز اخر الليل=سجدة رضا لله قام وسجدها
ينخى شيوخ ويعتزي بالحلاحيل =شيوخ للعازة سريعاً مددها
صوتي ينادي وينكم يا رجاجيل =فزعاتكم والله ما احدٍ جحدها
ربعي انا ويلان خيالت الخيل=افعولهم والله كلن حمدها
وباقي القبايل يا عرب ما بهم ميل=اجواد ربي كثر الله عددها