جاني جوابك يا ابن مرداس ماضاع =ومن جل تقديرك حفظته ومطبوع

جابـه عليـه قـرم وافـي وفـزاع=يطوي مسافاته سهل نوب(ن)قطوع

ذيب الليالي للمسافات قطاع=عاشق صحيب الروح من نقوة اربوع

واسمع جوابي بين عجز(ن) ومطلاع=كتبت لك حرف القصيدة على اوع

دنيا دوايرها مثل رمي مقلاع=يقصر مداه ولا وصل كسّر ضلوع

هذا الزمن ما بين شاري وبياع=وان الحظيظ اللي زمانه بلا جوع

ولاصار بين الناس مستور الاوضاع=وكل ما تبقى هان لو كلـه وجـوع

اللي قضى هالليـل ساجـد وركـاع=هاذي الغنيمة خيرها خير متبوع

قل العطاء ( كثير لو بيننا شاع)=ياصل بصيته بين شايف ومسموع

انهض كما سبع(ن) تمرد على سباع=من قوته جتله اسباعه على طوع

وسع بصدرك وترك الهم باجماع=خله يولي يا عشيري بلا رجوع

العشق من مبطي لقاء وجه ووداع=سلطه على كل الحبايب ومطيوع

لكن تبشر يا عشيري بالافزاع=لاجلك نسرج خيلنا فرد وجموع

ندفع لهم اموال وندبل الصاع=وبعون ربي دايم الراس مرفوع

وحنـا نسيـل دم ونغـرّق الـقـاع= وحنا عيال العود وجموعنا تروع