يا هتلر من حروفك ترى عقلي لفاه اهبال=تجاوزت الحدود المبكية والدمع في عيني

تذكرت الليال الماضيه والدمع دم ٍ سال=تذكرت الهموم اللي على حزني توديني

تطاردني نخواتي ووقفاتي على الاطلال=يطاريني شبح موته ما بين الحين والحيني

قبل موته تناديني وصرختها تهد اجبال=حاولت اني اسعدها وخنق الموت بيديني

لحظة موتها التموا عليها والبشر اشكال=وانا كل السواد اللي بهذا الكون يطويني

كفّنها رمش عيني ارحم من بياض الشال=شالوها وحال النعش وجيعه بينها وبيني

وصلنا للقبور الموحشه كله حجر ورمال=حطوها بلحد مظلم وانا من هو يسليني

صمتّ وحسرتي بقلبي تجر لحزنها موال=ولا حسيت بالدنيا ولا به شي يغريني

تلاطم موج آهاتي بصدري يا عرب يجتال=مثل من هو فقد شوفه ولا شمس ٍ تقديني

رضيت بواقعي المؤلم والدنيا قفى وقبال=وطلبت الله يقويني على حزني ويهديني

فجيعتها بشهر مظلم بدا ليله بدون هلال=بدا ليله بدون هلال قضى ليله على شيني

تدري عاد يا هتلر و كيف ان الحلم يغتال=بمهده مات يا هتلر ولا حد ٍ درى فيني

عزا قلبك بموت الحلم عسى ماجور يا رجال=وانا ماجور في موت اللي اغليها وتغليني