سلام يا النادر جالس وقايم=مني وانا ابو سيف في كل تعبار
تكفى تهونها ترى اخوك شايم=من ضيقتك تضيق به كل الاقطار
هلا هلابك يا قوي العزايم=حييت يا ابن روق يا نسل الاحرار
لك هيبةٍ بالعز دايم ودايم=ولك هدتٍ تصعب على كل صقار
اضرب بكفك يا زبون اللزايم=وفتت على درب الزمن كل الاخطار
وانا خويك بالرخى والعظايم=وكل الأمور بشوف عيني انا صغار
لا تشتكي وقتك ولو كان ضايم=انا معك في جلها صغار وكبار
يمناي لك سيفاً بعلم وعلايم=بيمناي انوخ كل طاغي وغدار
ان كانها ضيقة بليل الدلايم=نرفع يدينا للولي سر وجهار
وان كانها دنيا بقدم دعايم=يرخص لك الغالي ولو كان مليار