شايم رقى بالمرجله غصباً وغصب=غصباً على اللي ما يثمن كلامه
اقطع عروق الخبث لو هي لنا عصب=واللي يعارضنا نكبر خطامه
بيمناي سيف عقاب وطعن هل النصب=وشوش انا بالمرجله والشهامه
مار انتبه للشبر لا يطولها القصب=انحش بعمرك لا تكون النعامه
واللي تطوله رحمتي بصلبه وصب=عادي يموت بكل حب وكرامه
اصب قيفاني من الكيف لي صب=ولساني حصاني وبيدي لجامه
وهذا كلامي وافهمه لاتعصب=واذا زعلت ازعل بليا ( ندامه )
القاف عندي جزل ماصابه الحصب=ولاني من اللي يكثرون الملامه
ولاني من اللي لك ترى اليوم يغصب=نفسي عزيزه عن علوم الرخامه
واذا اوجعك قافي يبي لك تعصب=عصبة عجوز ذابلاتن عظامه
هاك القصيد اليوم فنجان ينصب=واشرب وروح بعدها بالسلامه
ولا تعود عندنا منهج النصب=مثلك ترى مفهوم تالي كلامه