والله لو تدرين وش كثر انا اغليك=وان الغلا بالقلب وافي وكامل
ما كان غبتي عن عيوني وانا ابيك=ولا تركتيني مع الناس اجامل
ان ما دريتي عن سهر عين ترجيك=والقلب في صدري من الحب ثامل
الله يصبرني على البعد وابكيك =مع البكى يمكن يهون التحامل
وشيل جرحي بين الاضلاع واعطيك=وداً بقلبي للاحاسيس شامل
يمكن عليّ تحن اسامحك واجيك=واجيك انا بالحب عازم وصامل
لو وقفوا بيني وبينك عوانيك=تعال وجرب من جنوني تكامل
اشبك يديني في يدينك وداريك=ونثبت لهم كل الموده تعامل
يا صاحبي طالت بقلبي مبانيك=وسستها بالحب والود كامل