ارقي على متني ومن فوق راسي=بطوف بك كل الديـار العتيقـه
انا شباب ونوب اتوه بحماسـي=وتوه عن بعض الامور العميقـه
خطاي وارد لو يدوم احتراسـي=ورضاك عني ارتوي من رحيقه
ان كان قلبي بين عاصي وقاسي=عساه صدري ينفجر من شهيقه
يا راس مالي يا غانتي وساسي=لك المشاعر يا ام شايم رقيقـه
لك منزلٍ بالقلب ثابت وراسـي=ما تزعزعه طول الليال وتعيقـه
اذا ضحكتي زاح همي وباسـي=واذا زعلتي شب قلبـي حريقـه
ابيـك دايـم للسعـادة مراسـي=وابي الفرح ما ينقطع عن بريقه
بشعل لك شموعٍ برقة احساسي=وأجعل ظلام الليل نـور بدقيقـه
مالي غناتن عنك ياكـل ناسـي=وناستي برضاك حـق وحقيقـه
في حضنك انسى كل هم ومآسي=وبعون ربي تنتهي كـل ضيقـه
يمه ياليت تعود ذيـك الأماسـي=والروح تصبح من عناها طليقه