يارب جنبني بـلاّ سـوء الأعمـال=واقبل رجا من هـو لجالـك وتابـي
يارب جنبنـي عنـا يـوم الأهـوال=يومٍ به المذنـب يشـوف العذابـي
يارب صبرني على الوقـت لـمـال= وغفر ذنوبي يـوم نـزع الثيابـي
يارب يـا منـزل تبـارك والأنفـال= تلطف بحالي وسط جـوف الترابـي
يارب أنا همي ثقيلـن مـن أثقـال= عجزت اشيل الهـم همـي غدابـي
اشوف أنا بالكون ألـوان واشكـال =الناس تاهت بالخطـاء والصوابـي
ناس ٍ تموت بساحـة العـز وقتـال =وناسٍ مع الشيطان هـب وهبابـي
وش عذرنا لبيروت في موت الأجيال =ماتوا بها عجز وصبايـا وشبابـي
حنا قسينا عادي تموت الأطفـال =عادي يموت القلب والحـب غابـي
متى تزين الحـال والحـال والحـال=متى تزيـن الحـال والنـوم طابـي
متى نشوف أبطال وأبطال وأبطـال=متى نشـوف الـذل ولـى وذابـي
متى نترجم صمتنـا قـول وأفعـال=ومتى غضبنا يثور مثـل السحابـي
متى على الله نتحد شـرق وشمـال=وغرب وجنوب ارواحنا ما تهابـي
بيروت صبرا كل مـا قيـل ينقـال =كل الكـلام اللـي نقولـه سرابـي