قلت أنا عادي اقلب ذكرياتي= دام أنا ساهر بـــــليله سرمدية


ليه ما أقرا في دفاتر بالياتي= وأنا اخبر أن الــــدفا تر سامريه


البداية بالورق كانت آهاتي= .يوم انا عاشق لليلى الـــعامريه


غرقت عيني دموع دافياتي=مادريت الا ونار الـــقـــــلب حيه


قلت اسامرالبروق اللامعاتي=والرعود الـــسارية وقت ألـعشيه


ودي انسى ثم الملم هالشتاتي=ودي اجلس في هوا نجد العذيه


مع حرارالهجن ابنسىذكريات = الجديده ....... والــــعلوم الاوليه


ماطرا لي مع شعاع البرق تاتي= المصيبه شفت صورتها جلـــيه


وحركت فيني شجون غا يباتي=والجروح المبطيه قامــــت عليه


هاضت جنون الشعر ترثي حياتي= والبيوت مسجله بــاسم ابدويه