من امس ضايق وضايق صدري وبالي=والروح من ضيقتي والله مغبونه
لا بوي عندي ولا عمي ولا خالي=ولا ناس من عزوتي قلبي يسلونه
لا خوي حولي و لا صديقي الغالي=يا الله دخيلك عن الضيقات وجنونه
يا الله دخيلك وانت العالم بحالي=تفرج همومي يا منشيء الخير ومزونه
قمت اتملل قهر من قلة الوالي=وانا جمل والجمل ما تتعب امتونه
ان قلت باكر سعد والجو يصفالي=جد بحياتي جديد هموم ملعونه
اشب ضوي واقوم ابهر ادلالي=وانا الألم والحزن بالقلب مكنونه
النوم والله ما يهنى ويحلالي=اسهر وعيني مع الدمعات مفتونه
من مبطي ارقب على مرقابي العالي=واشيل شيلت حزن توجعني الحونه