فرقى الحبايب غربةٍ تذبح الروح=وانا مع دموعي بغربة طويله
من بعدها يا دنيتي وين باروح=كل الدروب تضيق فزعه وحيله
من بعدها يا دنيتي صرت مذبوح=وانا الكسير اللي حياته عليله
يا دنيتي مالي بك اليوم مصلوح=ومن يامنك والله ضايع دليله
ما عاد لنجومك طرب لو هي تلوح=ولا عاد بك لذه وليله جميله
الله من دمعه على خدي تفوح=يوم احتضنت الغاليه والجليله
من فوق متني شلتها وكلي جروح=ودقات قلبي وكدت لي رحيله
يمه يا يمه وسط قلبي لك صروح=منساك لين الروح تسكن نثيله
يعل قبرا ضمك يظلله دوح=ويسقيه ربي من المزون ومسيله
عسى جنان الخلد لك باب مفتوح=وعسى السعاده لك (بدارٍ بديله)