هني اللي الى منه عشق يلقى مواليفه=غبطته ياكبر حظه وانا حظي تبلاني

حشى ماني مثل غيري وحظي صعب توصيفه"="أنا عكس البشر خلي عشقته ثم تناساني


نسى قلبٍ تغنى به ولع تشهد مواقيفه"="تجاهل صادق إحساسه سقاه المر بألواني


ونسى يوم إنها عيني سهرها من سواليفه"="تعبت اسهر علشانه ولا جامل علشاني


يسولف لي عن اشواقه وأدرهم مع عجاريفه"="وكم مره غفى جفنه رقد يعني وخلاني


واقول اصبر علشانه لجل ماضي معاريفه"="ينام ولا صحى خلي مثل مانام يلقاني


عشقته موت واذهلني بضحكاته وتلطيفه"="طمعت وقلت انا الاول وضاع المركزالثاني


ضحك سنه وصدقته واثر فالضحك تصريفه"="واثر قلبي بعد تايه اصم ابكم وعمياني


غدى قلبي مثل طيرٍ عقب عالي مشاريفه"="نشب بيدين صقارٍ يدوّر فيه الأثماني


عقب عزه فقد جوّه فقد نشوة ترافيفه"="مسابيقه يعوقنّه ياغبنه طير حوراني


وقلبي منغبن مثله أسيرٍ في غلا ضيفه"="لو إنه يختلف سجني عنه وظروف سجّاني


نوى خلّي يشكّلني على مايهتوي كيفه"="يبي يآخذ ولا يعطي يبي يآمر وينهاني


صبرت وقلت لعيونه ولو زادت تكاليفه"="ولا وفّى مواعيده يواعدني ولا جاني


وعدني بأول الوسمي وزل الوسم مع صيفه"="ولاشفته وميعاده دريت إنه تعداني


برق وأرعد نثر وبله نبت من وابله ريفه"="سقى غيري مطر غيمه وانا لازلت ضمياني


صراحه من تمنيته طغى وأشّبع تصانيفه"="ظلم واجد وحاسبني وهو فالواقع الجاني


ياويلي بدد أحلامي نثرها من مظاريفه"="تركها للزمن عرضه وللتشكيك عنواني


غرق مركب غرامي له حرمني من مجاديفه"="هدم صرح الغلا واقفى ولا راعى شقى الباني


جرح قلبي بهجرانه حرق بالغبن تجويفه"="أحس النار في صدري غبن تجتاح وجداني


هجرني وإنتحى عني ترك في هاجسي طيفه"="على بالي ملازمني ولو سجّيت ناداني


ياويلي صدق ياويلي حياتي صارت إمعيفه"="عسى ربي يرده لي قبل لايضعف إيماني


قسم بالله من عقبه تعيس وحالتي شيفه"="ياليته شاف بعيونه شقى حظٍ تبلاني