هاتي وجعك وهم الايام يابنت"="ودي بشيٍ منك لو هي همومك



لاصار همك في خفوقي تيقنت"="إني معك مابين ليلك ويومك



وإني بروحك من جروحك تمكنت"="أفطر غرامك في نهاري ماصومك



يعني كسبت السبق يعني تطمنت"="إن الحلوم اللي تجيني حلومك



هاتي عطيني يابعدهن تبينت"="كل الحقايق وأعجبتني علومك



ياما وياما فالعذارى تمعنت"="حتى لقيت إن الجوارح ترومك



ماكان حبي يابعدهن ولاكنت"="لو مارمتني في غرامي سهومك



توي عرفت الحب صدّقت وآمنت"="وذعذع برادي من لهايب سمومك



نعم عشقتك موت حتى تجننت"="شوفي دفاعي مايقاوم هجومك



ماهان قلبي في غرامك ولاهنت"="إلا استعز الشوق يكفخ إل -حومك



لبست ثوبٍ من غلاك وتزينت"="إنتي قدومك غير يسلم قدومك



دام الوجع حبك وطاريه يابنت"="زيدي وجع وآلام هاتي همومك