البيت ماله طعم في ذمتـي ذمــه"="أجيه طفشان واطلع منـه طفشـانــي

ليه السفر ياغناة الروح يايمــه"="ليتـك جلستــي بعـد روحي علشانـي

ولدك من يشتكـي لـه همـه وغمـه"="لاجـاء يعد الخطـى والحيل تعبانـي

ودّه يسولـف ويرفض مطلبــه فمـه"="ماحـس في مجلسـه راحـه ولا أمانـي

الوقـت وأنتي بعيده ياثقل دمـه"="مصـدّق اليوم يقفــي ويتعدانــي

ما عـوّض القلـب لا(الخالـه) ولا (العمـه)"="والله مـابـدّل غـلاك بواحدٍ ثانــي

يمـه إبحبـك وصلـت لذروة القمـه"="أشربـك يأمـي غـلا واقول عطشانــي

يمـه فداك الحشـى وضلوعه اللمه"="وتفـداك روحٍ تحبـك طبعهـا حانــي

يحتاج صدري لصـدرك دايــم يضمه"="ألقــاه جنـة حنان وصدق تحنانــي

وتشتــت همـوم قلــبٍ فيه ملتمه"="لمسه حنونـه وتحيـي شوق وجدانــي

يامـا سهرتـي عشأن أنـام مهتمه"="وإن نمت يبقى اهتمامك مع حدى اخواني

ويامـا عذرتـي صغيـرٍ جاك بمطمه"="صـار الضحيـه وهو في واقعه جانـي

الله يـقـدّر ولدك لوصلـك إيتمه"="قدام تـدبر سنينــه والعمر فانـي

يمـه فدتك المشاعـر كلهـا يمـه"="ولاعاش من هـو معك ويقول طفشانــي