خويّـة الدرب روحــي لارحـم جدك"="مـانيب الأول هذاك الضايع التايه


خـلاص قلبـي نـوى يجفاك ويصـدك"="العــام هذا بدايـة قصة إنهايـه


إن عاش راسي على الهجران لأحدك"="وأعلـن تحديك صامل وأرفع الرايه


توي تنبهـت صرت اليـوم مـاعدك"="عشيــرةٍ لـي ولا ممشــاك ممشـايه


كنت احسبنـي قدرت احرقك واهدك"="وكنت أحسبنـك وسيله واطمح لغايه


وأثرك خبيثة نوايا وإنكشف سدك"="تمشيــن بالشر ضدي رايحــه جايـه


دايـم بيمناي يوم ارفعك واردك"="ومرات اهوجـس واردك يـم يسرايـه


سبابتــي داعبت من غيّـها خـدك"="وقـبّلت ثغـرك كثير وصارت إحكايه


بدايتي مزح ليـن اسرفت في جدك"="جاهل ولا أعرف دوايه وين من دايه


بالعكس أجابه وأحارب من وقف ضدك"="وأقول كل النصايـح دونك أوشايــه


واليوم يكفي قهـر بس إمسكي حدك"="مابي غلا مـن بدت للحال برايـه

(((سجــارة)))الموت فعلاً لارحم جــدك"="أفنيـت عمري وانا اشيلك بمخبايه