من منبع حروف المشاعر والشعر خضت وشربت = ومن جمته جبت الدرر يمك وقمت اسوقها
ومن غاير جروح الضمير اللي بهالدنيا كسبت = ومن دمها اللي قام ينزف من صميم اعروقها
والآه وهموم الصدر واللي بهالدنيا حسبت = آهات وطعون(ن) رسن والقلب مرسى عوقها
ودموع مع ونة قهر جبته ولنت الي طلبت = بس المشاعر تستبق راعيه حرص حقوقها
هذا وانا ميت وله لعيونك الحلوات جبت = يوم انها تغلا بعض زين الامور بسوقها
وان كان نلت اللي تبي واقفيت يوم انك سلبت = احلا ما في عمري خذيته واستبحت حقوقها
ليش المحبه صارت اليوم ويش اللي كسبت = ليش صار الحب عندك دمعة في موقها
ليه الغدر ليه الخيانه ليه لشواقي نهبت = وليه الخيانه عندكم عالاً سماح طروقها
ما قلت لك كاني سلمت من الهموم اللي كسبت = غير اكتب القصه قهر الين تبدى شروقها
وانا سلمت ابشرك من حبكم هذا وتبت = وحتى جروح اهل الهوى حطيتها بصندوقها