غردي يا بلابل يوم خلي لفاني = وارقصي لي بنغمات الفرح واشعريه
واهمسي له وقولي بالمحبه رماني = قولي اني سجينه واحذري تزعجيه
قولي اني اضمه بين حدب المحاني = في فؤادي مكانه علميها تجيه
زارعه ورد جوري غير فل واماني = وفارشه مسك لجله علها تشتهيه
وعرشها في فؤادي ماخذله مكاني = قولي ان الفؤاد وعرشها يحتريه
قولي اني ابصبر بس عيا الحناني= كل ما قلت بيت(ن) حل ذكره عليه
ملهمه يا قصيدي وارتويت وعساني= اكتب اللي من القيفان هي تشتهيه
كل ما جبت بيت(ن) وارتما من لساني= صاحت احلا القوافي لا كتبته عليه
منهو اللي يلوم القلب باللي رماني = ومنهو اللي مسح دمعي وانا مختفيه
ومهو اللي يدواي جرح قلب(ن) حداني= ومنهو اللي نشلني من ظلامي اليه
كان ما تعرفونه لا تزيدو جناني = يكفي اني حضنته بالغلا محتويه
درتي ملهمة قافي بذيك المعاني = كل ما كتب قصيده عطرها يقتفيه
قلت كل القصايد واقتفتها الاماني = علها لا قرتها عرش قلبي تجيه