للهفه بصدري سما وجد وحنين اشواق = وللشوق في صدري امور(ن) كلها مبهمه
بين الضلوع اشتاق حيل لشوفها واشتاق= لذيك المعاني يوم تكتبها بجر الهمهمه
وانا ادري انه بين ضلعيها الم واحراق = مثل ما هو فيني بعد وسط الضلوع المظلمه
الملمه حزن(ن) قديم بسمة العشاق = لاكن عجزت اجمع شتات الجرح قبل الملمه
سالت دموع العاشق اللي لا عشق ما فاق = الا على نزف الجروح اللي بصدره مؤلمه
شاعر فقير وحرفه اللي في سماه اشتاق= لتغيير بسمة مظلمه مع دمعة مستسلمه
تجوب خد(ن) من عنا وقته عليه احراق= لحن بها وجد الحبيب اللي الزمان ظلمه
الين جتني من بعيد وبيدها الترياق = هي وجد روح(ن) للحنين اشتاقله واستسلمه
سقاني الحب الهني مع طلعت الاشراق= وأسقا جروح (ن) بالحشا من ميه وبلسمه
صحيت من حلم(ن) قديم وقمت له اشتاق= وجلست ادورها وهي وسط الحنايا تزهمه
حبيتها وعشقتها وانا لها انساق= واجمع لها ورود المحبه لجل خاطر مبسمه
حتى القوافي اتبدلت من يوم قلبي فاق= من همه اللي عاش به ذيك السنين المبهمه
لقيتها وحضنتها في صدري المشتاق = وسميتها نجمة غلاي وللشعر عندي ملهمه