إن كان تنشد يابو فيصل عن الحال=حـــالــي غــدى مابين هــم ونــكادي

حالـي يا بوفيصل عليه الدهر مـال = خــلاه وقتــه بــأول العمـــر غـــــادي

اسهر طــوال الليل والدمع همـــال = لاذوق نـــــــوم ولااتهــنى بــــــــزادي

اقنب كما ذيب(ن) حداه اشهب اللال= يبــا العشــا ومهــدد(ن) بالهجــــادي

من سبة اللي بدل الحال بأحــوال = عقــب الغـــــلا قـــام يتعنــد عنـــــادي

راح وتركني بين شامت وعــذال = لافــي يــدي حيــــله ولا لــي سنــــادي

هم(ن) بقلبي كنت مخفيه ياخـال = من خوف يضحك بي صديق(ن) معادي

ومادمت تنشدني فهذا هو الحال=بــالمختصـر نــادر جريـــح الفــــؤادي