اشفيك مغروره وصايبك التغطرس والغــرور = تفكــرين انــك مــلاك الكــــون وانــك ناهـيه ؟

صحيـــح مملـوحه ولكن ماتفوقين الحضــور =زودك عليهم غطــرستك وفي سلوبك قـــاسه

ياماوطيت الشوك برجولي وقلتي لي زهـور =اتفكرين ان العيــــون اللي تشـــوفك غــافيه

منــول اجـــاملك واضحكلك واسويلك غيــور=اضحك واجامل ضحكة(ن) كانت تجي بالعافيه

والحين مابجاملك وش تبغين ماعنــدي شعور= عندي كرامة نفس في وقت الشـدايــد داهيــه

روح ابحثي بالمكتبه بين الدفاتر والسطور=تلقين نفســـك بالنهـــايه جملـة(ن) مــو وافيــه

بالصفحه اللي محرقتها الشمس وايام الشهور= خـــلاص يكفي ماخذيتي من سنيني كــافيـه

خلاص يكفيك التغطرس والتعـــالي والغــرور=اقســم بـايــات الله منتي بالفتـــاه الناهيــه