يابو ضيف الله ترى الدعوى نخاوي = الحق النادر ترى حاله رديَه

مانخيت الا انت يالحر النداوي = واسمع الهرجه ولاتبطي عليه

جيت من جده وانا اجر الغناوي = رايح ٍ للرس والنيه مطيه

يوم جيت الرس جعله للبلاوي = شفت من جدد جروح العام فيه

شفت بنت ٍ ماتجي لو بالمناوي = وردت نادر على حوض المنيه

جيت اكلمها لكن ماكنت قاوي = كنت في حالة ذهول من البنيه

قالت انت الظاهر ان شكلك حياوي ؟ = قلت تايه بالعيون النرجسيه

من يشوفك حل فيه امر ٍ سماوي = يوم شفتك كن مابه جاذبيه

قالت انت من الجواب اكبر هواوي = رح بدربك ماتمشيها عليه

وانتحت عني وانا عنها نحاوي = ليتها والله بعصر الجاهليه

طحت من طولي وانا اجر العزاوي = مابقالي غير ادن الهاشميه

وين ماجد وينه الحر النداوي = يلحق النادر ترى حاله رديه