يا هيه ياللي ما خذتني من سنين = تعالي خوذي ما بقا من حنيني
تعالي خوذيني غلا للمحبين = مع الوله ولقاك حيل احضنيني
ما دامها لمة فرح بين غالين = ابنتثر شف الغلا وارتويني
ابنثر احلامي والاشواق هالحين = واندهك عندي ثم اقول اجمعيني
ازهار حب ورد جور البساتين = اشوفها بخدك وفوق الجبيني
اكتب لك حروف القصايد دواوين =وابنتثر بك كان لي تسمحيني
ابرفعك نجمة سماء تطرب العين = وانزلك حب حوى الجوف فيني
يا نفحة الريحان بشفاك ثنتين= الثلج فيها واللهب يا ضنيني
بردك يجمدني غلا لا تلومين = ونارك بتحرقني واقول احرقيني
ما دامه لعيونك السود تكفين = وما دامها لرضاك بس اذبحيني
حلال لك كلي بليا قوانين = سوي بخفاق الغلا ما تبيني
بس حققيلي مطلب(ن) قلتها اسنين = اسمعك بالواقع واشوفك بعيني