في خاطري شي خان الحرف تعبيره=منه اعترافي نهاية عمر كتماني
شيُ جحوده بقلبي بان تاثيره=علي وانا محترص من زلت الساني
اتجاهله لو تجيب الناس له سيره=وحاول اخفيه ودمع العين يعصاني
البارحه ياسكون الليل والحيره=ودموع عين(ن) تبدد صمت وجداني
اسرفت بي في شعور(ن) صعب تصويره=وتركتني غارق(ن) في غبة احزاني
واليوم ترجع بجيش الهم وتغيره=وانا سلاحي صفقت الكف بثاني
تدك قلبي من الهاجوس وتثيره= تدفعني لشي وعن أشياء تنهاني
يامن سكن خافقي حبه وتقديره=اليوم في حبنا المجني من الجاني
الناس ولا القدر ولامعاذيره=وقفت انا بين مفرق طرق وحداني
زرع(ن) زرعته عااش وانهدم بيره=انا سقيت الزرع من دمعة اعياني
أجني ثماره ألم وهمي عصافيره=منك انتظرت الفرح لاشك ماجاني
فكري يسبب له التعكير تفكيره=لوجيت ابنساك كيف الهم ينساني