الباارحه أسرجت خيل ن بلا عنان=وسافرت بأرض الذكريات وعناها
أرض ن زهرها شكلت كل الالوان=يفوح من صدق المحبه شذاها
فيها فرح قلبي وفيها لي أحزان=وفيها تعب روح ن تطلب دواها
فيها مغيب الشمس غابت والي الأن=أنا انتظرها طامع في دفاها
فيها أحس بخوف واحس باأمان=وبعد وتقرب غايتي من مناها
فيها حمام الشوق غرد بالالحان=على غصون يابسه من جفاها
وفيها أنا أحمل جروحي وعطشان=على غدير جفف الهجر ماها
عطشان أخايل بالسما برق ومزان=وشوف له صوره بعالي سماها
يقولي ضميان قلت انت ضميان=ثم أهطلت غيمة قهر من بكاها
وجاوبت دمعه وبتدى ليل الاشجان=فكرن انتهى منها وفكر ابتداها
لاقمر بان ولاضيا شمسنا بان=والورد عاش وزارعه ماسقاها
ياهاجس الذكرى خذ الدمع هتان=واسق الغصون اليابسه في رجاها
ماخانني خلي ولاني بخوان=انا الوفى اللي نابع من وفاها
بس القدر تدرون ماعنه مزبان=ياهاجسي ماهو خطاي وخطاها
الجادل اللي سافرت دون عنوان=راحت تتل القلب وقفى معاها
يسعد صباحات الغضي وين ماكان=ويسعد لي أوقاته ويسعد مساها
من بعدها كني غريب بلا واطان=والا وطن فاقد عزيز ن حماها
ياهاجسي ماني على الحب ندمان=مهما تعذبني كلي فداها