تعالي ترجميني حب واهات والم واحزان=تعالي عانقي فيني هموم الوقت ووجاعه


تعالي وافهمي حبك اذا ماني انا غلطان=ابد ماغبت عن فكري ولاحتى ربع ساعه


حياتي بعتها لجلك باخس وارخص الاثمان=وانا اللي كان لي نفسن على الامجاد طماعه


هويتك واهتويتك واحتويتك داخل الشريان=ولكن للاسف حبي قبرته انت في قاعه


حياتي علمتني منك ابكي دايم الاشجان=وعرفت ان الغلا كذبه بوسط الروح نزاعه


واذا كان الغلط حبي لشخصك يوم انا هيمان=ابد يحرم علي حبك عقب ماخنت في صاعه


انا ابحرت في حبك وكنت بسفرتي غرقان=ومركب رحلتي يابنت عيا يصمد شراعه


تقطع بي وسط حبك وصرت بالهبحر عطشان=تخيل كيف يعطش من توسط بالبحر باعه


عموما هاذي الدنيا وكثير من البشر خوان=يخون ولايحس الا بنفسه وش هي اوجاعه


حسافه كيف حبيتك حسبتك داخلي وجدان=حسافه كيف ماقدرت غدرك وابشع انواعه


تطاولتي على قلبي عقب ماكان لك اوطان=رميتيني عقب حبي ونفسي منك ملتاعه


نهاية كل ماضيانا عذابي لاخر الازمان=وغلطت قلبي اللي حب مثلك بنت طماعه