بين جمع الشتات واحتراق الاماني=مات حلم الحقيقه والامل مانراه

كتلت الثلج ذابت من حزين الاغاني=واشعلت وسط روحي الف اهن وااه

ياوجودي عليها ماابي شخص ثاني=وجد من ضاع شوفه وانعمى بالحياه

وجد من زود مابه مانطق بالساني=اصبح ابكم لسان وكل سقمن حواه

بين اقدر ابوح وبين مقدر تراني=انكسر وسط قلبي درع كان النجاه

شمعة الود ذابت وانطفت في ثواني=يوم حل الوداع وكنت مابي لقاه


فيه صغت القصايد و بجميل المعاني=وذكريات القصايد في خفوقي عزاه



مبطي الحظ عاثر والزمن لي اناني=ماعطاني مرادي يوم قلبي بغاه

عين يمنى بكت له عين يسرى تعاني=والحناجر نفسها ارتطم بالمياه


ابحر القلب مخطي راحلن للمواني=وكل ذيك المواني راحله عن سماه

الالم في خفوقي زاد بي واحتواني=والدموع بعيوني سبته من شقاه

ليت لي في حياتي من يواسي زماني=واشتكي له همومي والعنا والاساه

مير اصبحت مفلس يوم خلي نساني=وجوف قلبي يسولف عن شقاه وعناه

بنتظر رجعته لي ماابي شخص ثاني=يكفي اني اعيش بذكرياته حياه