تعالي وافهمي باقي كلامي واخر الاشعار=تعالي دامنا نشرب بنفس الكاس وهمومه
انا جيتك امل عاشق ولي بالمختصر اطوار=اغنيها من حروف القصيد واجمل علومه
عليك الله وامانه والزمن لو جار مهما جار=بقت صورتك ياقلبي بوسط الجوف مرسومه
حبيبه باقيه انتي ابد لو صار مهما صار=حشى ماغيرك بقلبي عشقت وصرت مغرومه
احبك ايه احبك وافهميها مانبي نحتار=انا عاشق الم وانتي حبيبت امسه ويومه
نعم اغلى حبيبه لاذكرتك تشتعل بي نار=لان البعد اجبرنا نعيشه غصب بسلومه
نعم دونتك بدفتر قصيدي واجمل الافكار=ودونتي كلامي من غلا عطرك ويشمومه
بعيده اي نعم انتي ولكن ويش ابي اختار=اشوفك يومي اللي فيه اعيشه واعشق غيومه
ابي اضوي شموع من الامل او باقي التذكار=ابي ابقى اشوفك بالمنام واجمل حلومه
فديتك وافتديك والغلا لك داخلي جبار=ابي اعرف طريق الوصل يمك واعرف رسومه
واجيلك لو على موتي ولو حتى بعد انهار=واعيشك لو دقيقه بالنظر والعين مرحومه
وبعدها مايهم اموت مادامي معي اصرار=على شوفك وتقبيلك وموتي انتي سهومه
نعم انتي ولاغيرك نبي نطرب مع السمار=نعم انتي خذيتيني بقصة حب مكتومه
نعم انتي امل عمري وانتي ناظر الابصار=نعم انتي دوى قلبي ولون الحب وغيومه
نعم انتي غلا روحي وشجنات الحزن والكار=وبوح الحرف من قلبي اذا ينطقلك همومه
رجيتك لايموت الود مادام الامل مدرار=رجيتك وارتجي وصلك وشوفك احلم بيومه