امانه يالهموم اللي معك صبري عجز ينطاق=ولاحتى بقى فيني على الدنيا انا طاقه

تعبت اكتب تعبت امسح وارتب تالي الاوراق=تعبت وللاسف فكري تعيس وقطع اوراقه

من اللي يامن الدنيا من اللي يامن البواق=ونعيش بوقت فيه حظوظ كل الناس بواقه

على الله يالامل ترجع اذا قلبك علي تواق=وانا نفسي على رجعتك والله حيل تواقه

انا من جرب العالم انا من جدد الميثاق=ولقيت الناس كل الناس محدن صان ميثاقه

اخيل المزنه الغره واخيل الهامل البراق=ولقيتك ياسحاب الصيف فيك غيوم براقه

وغرتني وانا معها مشيت وقلبي المنساق=ولكن للاسف قلبي وقف يوم انكسر ساقه

وقصة شوق ساقتني بها ياما لقيت ارهاق=وقلبي من عنى القصه تحزم بس برهاقه

كذا الدنيا تبي تبقى احد وافي واحد سراق=واكيد الجمله الصعبه كثيره ناس سراقه

غرامك يالبعيده يالعنيده صار طاق وطاق=وانا ماني من اللي يتبعون الطاق والطاقه

حسافه كيف حبيتك وحبك داخلي حراق=وعقب حبي نوى قلبك على قلبي يبي احراقه

عطيتك حبي الصادق عطيتك جملة الاوراق=وقلبك للاسف فعلن بحبي قطع اوراقه

فهمتي او اكررها غرامك صعب ماينطاق=لانك من عرب كذبه والعوبه وطقاقه