http://www.saqeralshmal.com/inf/articles-action-listarticles-id-15.htm شعر ar-sa Copyright 2012 - saqeralshmal.com Sat, 11 Feb 2012 11:58:42 +0300 Wed, 24 Feb 2010 10:20:14 +0300 ديوان الشاعر نادر العتيبي INFINITY RSS Feed Generator 1440 الشعر له عندي مكانه وتقدير *** هو شايبي وانا من اصغر عياله عنه عنه يا اهل الوجيه المغابير *** لاتشــــــوهون ادابنا يالحثاله لاتبتلونه جعلكم في زمهرير *** مايستوي ذرب القصـــــيد وجهاله ماتستحون ولابكم للادب خير *** شعر العرب من بعدكم صار عاله دايم على كل المنابر مزابير *** وكل ٍ يكمـــــل بالدوادي مقــــاله لاوزن لامعنى ولا ادري وش يصير *** لارحم ابوكم كل هاذي خباله الشعر يبغاله رجال ٍ مناعير *** اللي لــــــــــــــيا عدوه كله جزاله مثل الزلامي وابن جدلان وشقير *** والهاجري وابن زويبن لحاله وبندر سرور مصخر القاف تصخير *** انا اشهد انه واحد ٍ من رجاله يا اهل الشعر يا اهل الوجيه المسافير *** هبو لنجدة شعركم طاب فاله لايبتلونه شلة صوير وعوير *** ويمـــــــوت حتى مايقام العزا له تكفون حدوهم عنه يالمغاوير *** حتى يعود شعـــــــــــرنا للجزاله ورجل ٍ ماعنده للشعر اي تقدير *** ماهمنا لو راح نلقى بداله وصلاة ربي عد ماغرد الطير *** على رسول الله وصحبه واله

]]> http://www.saqeralshmal.com/inf/articles-action-show-id-72.htm Wed, 24 Feb 2010 10:20:14 +0300 تقول تكفى يانادر قول فيني شعر *** واقول يابخت نادر بك وبخت القصيد ياملهمة شاعرك الشعر بك يفتخر *** يلبسك يافاتنه ويصير شكه فريد وقصيد ماينكتب بك ميت من القهر *** يصيح في شاعره تكفى ! خلص ! لاتزيد انتي ملاك ٍ خلقك الله غير البشر *** المستحيلات زادت بك وهذا اكيد ياثامنة مستحيلات البشر ياقمر *** كل الجميلات من طلتك صارن عبيد حبك على قلب نادر ماطره منهمر *** ولو غرق ماكتفى يقول هل من مزيد يااغلا من عيوني الثنتين يااحلا العمر *** انا لو اموت من شانك تراني شهيد لبا عيونك وخدك يووووه لبا الخصر *** لبا محياك وشفاه ٍ توقد وقيد لباك كلك على بعضك يا أجمل سحر *** انا وشعري فرحنابك مثل يوم عيد ماقلت لك من شوي ياكبر حظ الشعر *** قصيدتي ذي تفاخر بك امام القصيد

]]> http://www.saqeralshmal.com/inf/articles-action-show-id-71.htm Wed, 24 Feb 2010 10:18:39 +0300 يقولون العرب ويش انت جايب *** بعد ماصار لك كم يوم غايب واقول ابطيب لكن جيت باللي *** تشرفني بحزات النوايب اجيب النادره واتعب عليها *** وكله لاجل جمهور وحبايب انا من شانهم والله لاغني *** واسمعهم من النادر عجايب وانا ماقول انا شاعر زماني *** اكيد ان فيه شعار مصايب لكن الشعر لامني بغيته *** يجيني طوع ماجيبه غصايب خيال الفكر واحساس المشاعر *** اصورها وانا ماني بهايب ليامنه سمعها رجل ناقد *** يقول الشعر من ربي وهايب ويشوش مع القصيدة ويتنومس *** وترقابه على متن السحايب هذا شعري ولي حق افتخر به *** مثل مايفتخر راع النجايب وانا لو غبت لي فتره بسيطه *** اجيب الشعر واحث الركايب هذا علمي عساكم تقبلونه *** وانا من عادتي ماعود خايب

]]> http://www.saqeralshmal.com/inf/articles-action-show-id-70.htm Thu, 18 Feb 2010 14:28:40 +0300 يالسبت وقف لاتزود بي آلآم *** على هوينك لاتجي مثل قبل امس قبل امس عندي مايشابه للايام *** يوم ٍ كئيب بسبته خاطري عمس يالسبت قلي ليه تبديد الاحلام *** ليه الامل في هالزمن منطمس طمس ياكثر مارددت قدام قدام *** اضحك وانا في داخلي منحمس حمس ياليتني طير ٍ ليامن زهق حام *** ارقى سما لوكان تحرقني الشمس يالسبت نادر من عنا الوقت منظام *** ارحم عزيز ٍ يضرب الخمس بالخمس تدري ؟ لو انك مثل سبت ٍ ورى العام *** ماقلت وقف لاتجي مثل قبل امس

]]> http://www.saqeralshmal.com/inf/articles-action-show-id-69.htm Thu, 18 Feb 2010 14:26:23 +0300 ليه غابت وانا اللي عايش ٍ في رجاها *** ذقت مر الفراق وصابر ٍ لي شهر ليه غابت وانا ليلي تعيس ٍ بلاها *** كل ليله تعدي كنها عن دهر ليه غابت وانا والله مالي سواها *** عفت كل البنات الباديه والحضر ليه غابت وخلتني اسير لهواها *** بين هم وامل ودموع عين وسهر ليه غابت دخيل الله هي وش بلاها *** هي نست حبنا ؟ والا غياب بعذر وكيف تنسى وانا وقلبي وروحي فداها *** كنها استغفر الله ساحرتني سحر وكيف تنسى وهي مافيه شخص بغلاها *** ولاسكن قلبي الا هي بد البشر اجل ليه غابت وخلتني كذا في حراها *** مادرت ان نادر عايش ٍ في قهر اااه بالله قولوا لي اهي وش بلاها *** هي نست حبنا والا غياب بعذر

]]> http://www.saqeralshmal.com/inf/articles-action-show-id-68.htm Thu, 18 Feb 2010 14:21:32 +0300