http://www.saqeralshmal.com/inf/articles-action-listarticles-id-2.htm شعر ar-sa Copyright 2012 - saqeralshmal.com Sat, 11 Feb 2012 11:44:18 +0300 Fri, 20 Nov 2009 03:32:33 +0300 مرثيــات INFINITY RSS Feed Generator 1440 يالله يامنزل تبارك وألاعراف***بافارج الضيقه عزيز الجلالي تجبر عزا قلبي على فقد نواف***وتحدني بالصبر لفراق غالي جاني خبر نواف معدوم الاوصاف***يوم الربوع وقلت عزي لحالي أصغر أخوانه جا يخبر بما شاف *** والدمع من عيني على الخد سالي بعد العشاء قلبي من الهم ينلاف***والموقف اللي صار فوق احتمالي قلت خبروني عسا ما صابه خلاف***قالوا بسرعه لو سمحتي تعالي نشدت وينه قالوا انه بالاسعاف *** ويمكن لشوفه مايجيلك مجالي ويوم فجعوني صار بالقلب خفخاف *** اركض وصاب العقل مثل الهبالي ورحت لحبيب القلب والدمع ذراف***وحلو النبا له صوره في خيالي لقيت نور العين ملحوف بلحاف***والي هناك يقدمون العزا لي ويوم الخميس محمل فوق الاكتاف***للمقبره شالوه جمع الرجالي ولولاي أخاف الله لاعدي بمشراف *** واني لاشق الجيب مما جرالي لكن عساه بجنة الخلد ينشاف***ويغفر له المعبود منشي الخيالي الشاعر : ام ترثي ولدها

]]> http://www.saqeralshmal.com/inf/articles-action-show-id-9.htm Fri, 20 Nov 2009 03:32:33 +0300 البارحه صدري به الهم مكنون***اسهر بليل وليل الاحزان طالي ماغير ابدّل حالة الضيق بالهون ***وفكري بذهني للوساويس شالي جريت صوت الحزن والقلب مطعون ***كني على ظهر البسيطه لحالي والفجر بيّن واكثر الناس يدعون ***ربٍ كبيرٍ مايرد السؤالي صليت فرضي مع عبادٍ يصلون ***ودعيت رب البيت يستر خمالي ورجعت داري ناوي النوم بسكون ***والنوم عيّا.. لايقرب مجالي والظهر قرّب واكثر الناس يمسون ***وانا وبين الهم بألف احتمالي والباب دق وصحت ابيهم يردون.! ***جاني الولد يصرخ ترى الضيف خالي والخال اقبل والحزن تقل مدفون ***في وسط صدره وكن شيٍ طرالي قال البقيه براسكم عل تبقون ***هذا القدر مكتوب من عند والي ماني مصدق مسمعي لاتقولون ***ابوي عايش خل عنك الهبالي ماني مصدق هالخبر لاتلومون ***توه مكلمني وسائل بحالي وضعه سليم وصحته ماهي بدون ***حتى الورم شالوه واظن زالي قالوا لكلاه اليوم لازم يغسلون ***حتى الريه ادمت وفيها اختلالي والكبد راحت والورم صدق ملعون ***اللي تمكن فيه اول وتالي قالوا توفا قلت ياناس تكفون؟ ***وشلون راح اللي به القلب سالي جابوه يوم الاربعاء نقل مشحون ***وعصر الخميس بيدفنونه بحالي جابوه للمسجد وقاموا يغسلون ***بالمسك والكافور يمن وشمالي وحطو النعش فوقه وقامو يلفون ***جسمٍ كريمٍ مايعوض بـ مالي ناظرت وجهه مبتسم وجه مزيون ***حبيت راسه ثم خشمه بعالي صلو عليه وداخلي هم و حزون ***ودعيت ربٍ مايرد ابتهالي سلّم وسلمنا وقامو يشيلون ***جثمان غالي مايفكّه جدالي حطّوهِ في قبره وقاموا يهلّون ***عليه دمعِ مثل وبل الخيالي جسلت صوب القبر والحزن مسجون ***في وسط قلبي والمحاجر سيالي وقمت اشتكيله حالتي وماهو جنون ***ودي اسولف له بشيٍ ف بالي يابوي تكفا لا تخليني بـ هووون***وشلون اعيش بدنيتي بانعزالي وشلون ابعرس دونك اليوم وشلون.؟؟ ***وقت التهاني مين ابلقى قباااااالي ولامن رثتني دنيتي بحال مطعون ***منهو يساندني بذيك الليالي يابوي صارت دني --- يتبع

]]> http://www.saqeralshmal.com/inf/articles-action-show-id-8.htm Fri, 20 Nov 2009 03:20:47 +0300 لاح الحزن في ليلة واجهر الشــــــــــوف***يبرق ويرعد في النواظر سحــــــــــابه بين النواظر صار بين ومكشــــــــــــــوف***في ساعة نوخ وعقل ركــــــــــــــــابه من سبة اللي مات وعيوني تشــــــــــوف***فوق الصدر نزاع الأرواح صـــــــابه جاه ونزع روحه واخذها من الجـــــــوف ***قدام عيني راح مني نهــــــــــــــــــابه مات وترك راسه على الصدر منســــوف *** جسم بليا روح كل درى بـــــــــــــــــه وصار الحزن في خاطري يشهر سيـــوف***وقطع خفوقي يوم فسخ ثيـــــــــــــابه وفسخ وغسل ثم طيب وانا اشــــــــــــوف***وكفن ودمعي مثل وبل السحــــــــابه عقب الفجر شلناه للعود منســـــــــــــوف***على النعش ما يوحي اللي حكـــــابه ونزل بقبره بين الأعضاد ملفـــــــــــــوف***ومدد ومن حوله جميع القـــــــــــرابه وحطيت لبنه تحت راسه كما النــــــــوف***وفكيت عن وجهه بيدي حجــــــــــابه وصفوا عليه من اللبن عدة صفــــــــوف***وخلطت من دمعات عيني ترابــــــــه وقاموا يهلون الرمل هل بكفـــــــــــــوف***لين اندفن قبره ونصب نصـــــــــــــابه وقمت اتعبر والعرب حولي وقــــــــــوف***حول القبر قلبـــــي تزايد عذابـــــــــه ذكرت ابوي اللي مع الناس معــــــروف *** بحسن التعامل والوفا واللبــابــــــــــه أمس يكلمني وينطق لي حـــــــــــــــروف***وإلى من تكلم خاطري يهتنى بــــــــــه واليوم فارقني ورافقنـــي الخـــــــــــوف***والقلب للهوجاس منفج بابـــــــــــــــه ياليت موتي كان من قبل لا اشــــــــوف***ليته سطا بي وتركه ما سطا بــــــــــه لا شك هذا الموت والموت معــــــروف ***إلى جا يسل الروح محد درى بـــــــــه الشاعر : عبدالله الرشود

]]> http://www.saqeralshmal.com/inf/articles-action-show-id-7.htm Fri, 20 Nov 2009 03:08:31 +0300 ذكروني فيه وأنا مانسيته *** مانسيته لاكن أني انتسيه كل ماطرولي اسمه احتريته *** أنتظر شوفته لحظه واحتريه اتذكر دربي معه اللي مشيته *** واتذكر خطوته واذكر مشيه واتذكر كل شيً له حكيته***واتذكر ضحكته واذكر حكيه كل شيً ودي ابه وثم نسيته *** ألتفت يمه واشوفه مانسيه وكل شي بخاطري وانا بغيته *** ألتفت يمه واشوفه هو يبيه وكل حلمً في خيالي وأبتديته *** ألتفت يمه واشوفه منتهيه اشهد ان فرقاه موتي لو شكيته *** ترجع العالم علي وتشتكيه والله ان الموت لو خير فديته *** والله ان روحي وعمري تفتديه ودكم تدرون منهُ اللي بكيته *** ودكم تدرون منهُ اللي انا ابيكه هذي اخوي اللي نعيته واحتويته *** كل مامر اسم صالح احتويه الشاعر : خالد بن ضيف الله الضيط العتيبي

]]> http://www.saqeralshmal.com/inf/articles-action-show-id-6.htm Fri, 20 Nov 2009 02:57:04 +0300 يآطير ماعينت لي ثنينً احرار *** خاويتهم من يومك صغير ياطير فرخً صغيرً كنت وأصبحت سنجار *** في كفوفهم عشوك في قمة النير واليوم منهُ لجلك يدوس الأخطار *** مالك عشى من عقبهم ياوحش مير ياطير راحو مابقى غير تذكار *** عز الله اني عقبهم ماني بخير راحو وصار الهم والحزن خطار *** خطار في صدري وبقلبي مخاشير هذي سيوفك يازمن وانت غدار *** تطعن وتجرح ماتحسب المخاسير ثنين مامنهم بقاء يطفي النار *** اللي بقلبي شبت اليوم وسعير ياشينها من عقب فرقاهم الدار *** ضاقت علي دروبها والمشاوير أبكي عليهم والحزن صاب الأشجار *** وتساقطت أوراقها والعصافير ياطير تبكي وأبكي وتبكي ديار *** نبكي على فرقى ثنينً مناعير يبكي على فرقاهم الضيف والجار***ويبكي عليهم شوخ وبني غنادير ويبكي عليهم طفل والطفل منهار *** والشيب في راسه وهو توه صغير عبدالعزيز وصالح اثنينً اخيار *** ماتنجب بطون النساء مثلهم طير لاكن هذي هي هي حكم الأقدار *** ضيوف فالدنيا وبكره مدابير يالله عسى مثواهم بدار الابرار *** في جنة الفردوس يالله تباشير وأنا بروح لعالمً فيه الأسرار *** مدري وش المكتوب ويالله عسى خير الشاعر : خالد بن ضيف الله الضيط العتيبي

]]> http://www.saqeralshmal.com/inf/articles-action-show-id-5.htm Fri, 20 Nov 2009 02:54:12 +0300